"ERA A NOSA PRIMEIRA CITA E NADA PODÍA SAÍR MAL..."

1º CONCURSO DE MICROCONTOS "DESDE A NOSA CASA"

BASES DO CONCURSO:

- Os microcontos estarán escritos en galego.

- O microconto non pode ter máis de 100 palabras. (Só 1 microconto por persoa e por tema)

- Poden participar os papás e mamás (pero non lles puntúa para a nota)

- Tedes que envíalo ao gmail divercarral@gmail.com

- Eu publicareinos con pseudónimo para que os demais alumnos non saiban de quen son.

- Escollerei os 3 que máis me gusten cada 3 días. O 4º día votarán os alumnos e sairá un gañador/a.

- Haberá outro gañador/a: aquel alumno/a que descubra máis erros lingüísticos nos microcontos e que os indique nos comentarios aos microcontos (neses comentarios porá o seu nome porque non se publicarán, posto que eu non os vou autorizar e así tampouco vos sentiredes criticados porque vos corrixan os erros).

- Como premio terá… falarémolo á volta.

1º MICROCONTO (Podedes enviarmo ao correo até o 18 de marzo ás 24:00 horas da noite)

TÍTULO : "Era a nosa primeira cita e nada podía saír mal"

TELEGALEGO 2020

16 DE MARZO DE 2020


1º DÍA SEN ALUMNADO


Bo día, rapazas e rapaces do IES DE CARRAL!

Xa me tarda vernos polo instituto de novo. Agardemos que sexa unha interrupción breve das aulas e que todo se resolva o antes posible. Así que aínda que non está en galego a canción nin os subtítulos, vou empezar poñéndovos un fermoso vídeo que nos convida a sermos optimistas. Podedes velo cando vexades que a algún lle decae o ánimo: amiga, familiar, compañeira... Porque aínda que non o creades, “XA CHEGA O SOL”:

2º ESO ACTIVIDADES DE LINGUA E LITERATURA GALEGAS

ACTIVIDADES LINGUA E LITERATURA GALEGA 2º ESO

En primeiro lugar quero darvos uns avisos en relación co funcionamento das actividades:

- Seguirei a usar o gmail e o drive para avisarvos das actividades.

- Tamén as colgarei no blog Carralingua para aquel alumnado que non teña correo. Clicade sobre a etiqueta 2º da ESO.

- En próximos días, enviareivos as notas do 2º parcial e tamén mandarei actividades de reforzo da nota.

- Ademais, podedes acabar o voso traballo dos nomes propios en casa, ben en grupo mediante o Drive e compartindo outras aplicación, ben individualmente os que o prefirades. Máis adiante poremos en común o que fagades.

- Igualmente, irei propoñendo diferentes actividades, principalmente lecturas, redaccións e algún que outro xogo.

- En breve, teredes a primeira publicación no blog Carralingua despois desta.

- De algún alumnado non teño correo polo que agradecería que, se podedes, fagades chegar este aviso a toda a clase, por se alguén mo quere comunicar.

LIBROS DE LECTURA 2º ESO 1920

https://view.genial.ly/5d8f27fc4adc6a0f54086c8f/presentation-lecturas-lingua-2o-1920-copia

Poñemos música ao Pan Comido

O Pan Comido é un xogo que se creou no IES de Carral. Este ano ímolo seguir completando. Unha das probas consiste en completar a letra de cancións tradicionais galegas. Imos buscar vídeos que acompañen estas letras. Unha vez que atopes, envíasnos o enlace como comentario Anónimo. As cancións das preguntas están no seguinte enlace: https://docs.google.com/presentation/d/1Dh3rawrUsK7ZENvTsGsxFDVYSb5Q6JtEgci0sXNF3Fk/edit?usp=sharing https://drive.google.com/file/d/1DSvYIOtXhhdzYHXJY5e69LvzueJ1bwW6/view?usp=sharing https://drive.google.com/file/d/1ppfvt_Uy6e7hjPpRAlQgptu_J_W1b0RM/view?usp=sharing

Porque temos nomes propios

Ola, rapazada de 2º. Hoxe tedes que cubrir o seguinte formulario. Cando acabes dálle a enviar,