"ERA A NOSA PRIMEIRA CITA..." 3

“Era a nosa primeira cita e nada podía saír mal. Susana dixérame que viña comigo ao cine. Confirmei polo guasap que quedabamos no Marineda. Antes de saír da casa, puxen as deportivas que mellor recordo me traían. Susana viumas o martes pasado; esas Nike estivera a pique de compralas en Amazon, dixo que eran moi chulas. Nunca antes se fixara en min. Baixei do autobús na estación e collín o 5 para Marineda. Vina diante da taquilla. O sorriso que puxen borrouse ao oír pola megafonía: “desaloxen o centro comercial. Estado de alarma, volvan todos para as súas casas”.